Plantun de Prouvènço

Pèr coumpara dos planto d'encò nostre

Juncus gerardi & Carex elata

Juncus gerardi

Juncaceae

Nom en français : Jonc de Gérard.

Descripcioun :
Aquéu jounc es uno planto renadivo emé de long rizoumo. Trachis dins li prado e pelouso umido, pulèu richo en sau e pas trop liuen de la mar. Fai uno pelouso gaire sarrado. Èi proche de Juncus compressus e coume éu si tepalo soun emé un bout redoun. Se destrìo pamens que si tepalo, longo de 3 à 3,5 mm, soun bruno e mai sourno sus li bord. Lou fru madur li despasso de mens de 1 mm e la brateolo èi peréu bruno. Coumpara emé lou joun-di-cambo-plato que ié sèmblo proun .

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 20 à 60 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Juncus
Famiho : Juncaceae

Ordre : Poales

Coulour de la flour : Brunello
Petalo : 6
Ø (o loungour) enflourejado : 3 à 10 cm
Flourido : Printèms - Estiéu

Sòu : Ca
Autour basso e auto : 0 à 900 m
Aparado : Noun
Mai à juin

Liò : Prado umido - Pelouso emé sau
Estànci : Termoumediterran à Mesoumediterran
Couroulougi : Bourealo
Ref. sc. : Juncus gerardi Loisel., 1809

Queirello(-auto)

Carex elata

Cyperaceae

Àutri noum : Moutouso, Sagneto.

Noms en français : Laiche élevée, Laiche raide.

Descripcioun :
Queirello coumuno subretout en basso Prouvènço dins li relarg umide e bagna. A, en generau, un à dous espiguet mascle en aut de l'inflourejado, e de dous à cinq espiguet femelo en dessouto. Aquéli porton de flour emé dous estigmate e d'escaumo bèn nego d'ounte ressort uno grosso costo verdo. Coumpara emé la queirello-negro que ié sèmblo proun, mai rèsto en mountagno.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Grando erbo
Taio : Pancaro entresigna
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Carex
Famiho : Cyperaceae

Ordre : Poales

Coulour de la flour : Jauno
Petalo : ges
Ø (o loungour) flour : Pancaro entresigna
Flourido : Printèms

Sòu : Ca
Autour basso e auto : Pancaro entresigna
Aparado : Noun

Liò : Ribiero - Aigo - Roubino - Palun
Estànci : Mesoumediterran à Subaupen
Couroulougi : Pancaro entresigna
Ref. sc. : Carex elata All., 1785

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Juncus gerardi & Carex elata

ges

Coumpara Jounc(-de-Gérard) emé uno autro planto

Coumpara Queirello(-auto) emé uno autro planto